പിണക്കം...

പിണങ്ങി നിന്നിൽ നിന്നു ഞാൻ പടിയിറങ്ങിപോയാൽ
ഒരു പിൻവിളിയിലാലെന്നെ തിരികെ വിളിക്കണം.

ചെവി കൊട്ടിയടച്ചു കൈപിണച്ചിരിക്കുന്നയെന്നെ
ഇണപോൽ വന്നു ഇണക്കിയെടുക്കണം.
വാടിയ മുഖം പൊത്തി മൂഡിയായിരിക്കുന്നയെന്നെ
മോടിയിൽ വന്നു ചേലോടെ പിടിച്ചുലക്കണം.
മടി പിടിച്ച്
മുഖം കനത്ത്
മനം കറുത്തിരിക്കുന്ന
എനിക്കിനി ചുട്ടയടിയേ ബാക്കിയുളളൂ.
ഒരു പുളിവാറലോ കൊന്നപത്തലോ
ഓലമടലോ കയ്യിലെടുക്കുക.
തല്ലണ്ട, അമ്മയെപോലെ വെറുതെ ഓങ്ങിയാൽ മതി.
തല്ലിയാൽ കണ്ണു നിറഞ്ഞേക്കും.
എൻറ്റേയും നിൻറ്റേയും...